Reiseberichte

Moseltour vom 23.06. bis 27.06.2011

Von der Quelle bis zur Mündung

Tourenführung: Peter Klose

Text: Ingrid Hieber

Am Fronleichnamsdog samma aufbrocha zur Moseltour, da Klose Peter hot alles checkt, i hoff guat gnua. Des Wedda schaugt net so toll aus, aber wir kumma trotzdem alle aus unsere Garagen raus. Über Memmingen, Rot an der Rot, bis Krauchenwies zum Mittagessen, den Regenkombi hamma zwar o, aber der Regen hot uns vergessen. Weiter geht's bei immer wieder Sonnenschein, über Beuron, Geisingen und Häusern in die Wehraschlucht hinein. A super scheene Moped-Straß, und zruck nach Todtmoos ins alte Hotel, jetzt hammas gschafft.

2 bis 3 Tannenzäpfle gegen den Durst um acht, um elfe is Zapfenstreich und jetzt a guade Nacht.

Freidog is, a neier Dog und zuerst wird mal gsunga, a Geburtstagssttandl für unsern Klaus hamma eam aufzwunga. Raus ausm Schwarzwald und bis hin zum Vater Rhein So muaß a scheene Sonnentour bei uns sein! In Frankreich wird die Straß dann immer grader des Moped fahrn in dem Moment a bisserl fader. An dicken LKW zum überholen ham wir dann auch noch geschafft, doch die kloane Straß zum abbiagn, da hät der Brummi uns beinah dahingerafft. Den Ursprung der Mosel ham wir dann besucht, wenn da Peter nicht gwußt hätt wo er ist, wir hätten ihn vergeblich gesucht.

In Nancy hamma uns dann d'Fiaß vertretn, an Stadtbummel und an Kaffe muaß einfach mal geben. Weiter an der Mosel lang nach Pont Mousson

zum Hotel Enzo ohne Personal, so was schaut ma sich auch mal o. A Restaurant zum finden kon manchmal ganz schön dauern, aber bei unserm Trupp muaß wirklich koana versauern.

Des Essen war guat, der Ober speziell, jetzt gemma ins Bett und schlaffma ganz schnell!

Die Nacht is rum, die Matratzen warn echt guat, bloß der Frühstücks-Kaffee den hamma vergeblich gsuacht. A Semme in'd Hand und ab geht die Fahrt, für heut bloß no 62 Km in Frankreich, dann hamma des a gschafft.

A kurzes Stück in Luxemburg durch Remich, Hetermillen und Ahn, dann sind wir wieder in Deutschland und kommen zum Mittagessen in Trier an.

Die Kartoffel-Kiste zum Mittag war ganz unser Gschmack, und weiter geht's nach kurzer sightseeing immer die Mosel Fluß ab. Zwei mal nach oben, den Blick auf die Mosel runter, nach Traben-Trarbach, da macht uns ein Kaffee dann wieder munter.

Das letzte Stück nach Altlay rauf auf den Hügel im Hotel des supatolle Essen und Wein, der macht uns bald müde. Jetzt is scho glei 12 in der Nacht Wir san scho ganz gschpannt wia die Sonne morgen lacht.

Pukt 8 Uhr 30 samma heit los schee an der Mosel entlang, die lasst uns schwer los Marina die seit Start der Tour ihre Rauchsucht an den Nagel hat ghängt, hat ihre Zigaretten unter Zeugen in der Mosel versengt. Und dann wolltma natürlich auch rüber zum Rhein doch da Rhein wollt heut nix für Moped's sein! Des Tal to Tal, der autofreie Sonntag war heit, wir mussten alles umfahren und wurden auf die Autobahn gleit. In Bingen hamma doch no den Rhein gefunden doch dem TomTom sei Brücke ham wir nicht gefunden. Die Fähre hat uns dann rübergebracht, war ganz schön heiß drauf, die Sonne hat uns ausgelacht.

In Nierstein war dann Mittag angesagt, gschwitzt hamma wia blöd, des is a heisser Tag. Weiter geht's über Modautal, Marbach, Eberbach und Zwingenberg a Kaffeepause mit Schwimmbad, des wär uns jetzt viel wert. Den Kaffe gab's und sogar mit Eis und doch miaß ma no weiter wie jeder von uns weiß. Nach Möckmühl ins Hotel Krone denn da werden wir heute wohnen. Mit heit hamma den 4. Dog super guat gschafft Lieber Peter, mit Dir komma furtfahrn, Du hast es sehr guat gmacht.

Die Sonne lacht, der Tag beginnt, wie schön dass wir heut noch einmal beisammen sind. Wir brechen auf, schon vor der Zeit durchs Jagsttal und noch vieles mehr wolln wir fahren heut.

Weiter über Langenburg, Crailsheim nach Dinkelsbühl sightseeing und ein Eis für die Marina, oje es ist so schwül. In Nördlichen gab's was zum Mittagessen über Donauwörth nach Aichach, den Eis-Kaffe dort nicht vergessen. Der Moped-Parkplatz dort war ganz gemütlich vor der Polizei-Wache ist es doch sehr nützlich. Der Abschied kam nun auf uns alle zu, ab FFB ham wir uns getrennt im nu. Jeder von uns war dann schnell und gut zu Haus und somit ist die Gschicht und die Tour jetzt aus.